صورة االشاعر المرحوم سليم ابولمظي شريف

مساجلات شعرية بين الشاعرين محمد المناور ابو الغنم والشاعر سالم القنصل

 

مساجلات شعرية بين الشاعرين محمد المناور ابو الغنم والشاعر سالم القنصل

من مدينة مادبا عام 1915

قصيدة محمد المناور ابو الغنم

قالها في أهل مادبا ( المسيحية )عام 1915 م

يالله يللي قدرتك ما تقدر = وعجز القلم من ضمها بالقراطيس
ويا الله تعيينن عالصحيح المصطر = بجاه سام وحام وايوب وادريس
لا يا بن فايز كفيت لا وافقك شر = سحيلة عهيل الغلف والنواقيس
وصبح وصباح وقبل كلن تحضر = ما تعزل صياح النسا من الخنانيس
وكن وطو وابو ظهير بساعة الشر = وعند السطول يقول وين الحلاليس
ورده ابو هبره وعنده تعثر = وعيو بالضرب مطوعين الملابيس
وجريس ابن فرهود بالقطع وكر = وعليه عسكر داييرنن دواسيس
وصبيان حلس دونها الباب سكر = لما غدت صبيان حلس كراديس
وإكياس حنطة عالسرايا لفنجر = لما انتصب ميزان حق المناجيس
اللي يجي بالزين بالحمد يشكر = واللي يجي بالعفن ملعون خرسيس
اليوم ما ندرك جدين مبربر = من عقب ما ناكل حيلن معابيس
وقمح ابن فرح عالسواني تزبر = بجمعات تخزي طالب الحق وابليس
يوم الونسي يمكم غار وانتر = قوطر معيف من مبرات القراطيس

ويرد سالم القنصل على محمد مناور أبو الغنم

في القصيدة التالية

ليه أخو دلعب عربوعك تمقهر = وصلت ابن فايز صياح الخنانيس
ماحنا ربوعك ول من حظن أقشر = نسيت فعل كاسبين النواميس
وإحنا لكم وانتم لنا كان تخبر = وزودن على عزك جاك عز ونواميس
وقمح ابن فرح بعدولك تقنطر = وكله بكافالك ما نكس منه الكيس
ويا ما فتحنا كل سطلن مسكر = وإصحيحة مع هاك القم والدقاميس
يوم الونسي يمنا غار وانتر = قامن عليه من عاليات الطعاميس
وعندي ربوعن من النشامى يامكثر = عزيزات من دور الصحابة بياطيس
وصرنا لكم سورن حصينن مصور = ومن دونكم تبنى قلاع ومتاريس
واليوم تجلس بقصورن ومنظر = وش جاب عش الصقر الماكرت نيس
ومعذين روحك بلاهليب وجور = زودن على طيرانها والخرافيس

يرد محمد مناور على سالم القنصل ويقول

البارحة قلبي من أقصى الحشا فر = لولا الحنايا لازماتو كوابيس
والنوم بجفون الواجيف ما قر = من كثر ما بقلبي هموم وهواجيس
حنا عذيين الطرف عنها والحر = قبل نشوف قلاعكم والنواقيس

ويتابع محمد المناور

يالله يللي مخلق الحي والميت = من عصر شيث لليوم فاقط حسابه ويالله تسمح إثمنا كان زليت = ويالله فك ارواحنا من عذابه
من عقب ما ناكل حيان بهن عيت = ومعصفرن فوق الوضيحي شرابه
واليوم قيمتنا كسر وفتافيت = ولويش تعرضنا لهذيك الطلابه
وشفنا وعفنا ولا بقا به تلافيت = وبالعون يابنطون ينعاف مابه
وحده ورده عن كثر التهاتيت = وترى الهرج لا زاد كثر الغثابه
ويابنطون لا يوهمك كل هالويت = المسرد اللي ما يقدي جوابه

يرد عليه سالم القنصل

يا الله يللي للسموات عليت = وميل السما والارض وأربع قطابا
ويا الله تدمح إثمنا كان زليت = وياالله تجعل دعوتي مستجابة
أريد أعاتب صاحبي واسحبيت = كلام مثل الشهد واحسن شرابه
يا نعم أخو دلعب الى أني تطريت = اللي يهين الروح وقت الحرابه
وربعي هل البلقا الى إني تحريت = فزعة لبعضنا وبنعما مع قرابه
انكفت يا محمد بجوابك تنثيت = تمس كرامتنا بليا مهابه
تخبر أنا وياك يومن تعاطيت = وحفرة ودفنة تبحثه من ترابه
ولولا السعال إن كان عنك تغاضيت = ولا عتنيت القاف ولا الربابه
والعلم عندك للحرايب تهييت = بموازرن يالقرم تلهب الهابه
وبيهم يعذي موالها والسواحيت = وبيهم يعذي طرفها مع جنابه
والعلم عندك للفداين عذيت = وبزر الفرنجي متليهن سحابه
ويوم الحرابه عن المواشي إستغنيت = مثل دوالي السلط بدهن قنابه
وما حنا أجانب للرحايل اندنيت = وياهه ديرة نزله مانهابه
وممشى ثلاثة أيام بالشرق بنيت = وبارض الغدف ويا فروع الجنابه
بهاك العيال اللي سوات العفاريت = وخيولن تدق الحصا مع ترابه
وليلة حمد ما شفتني ويش سويت = ارسلتلك فرقة وجولك هذابه
ويا ما ذبحن لكم حيالن بهن عيت = ومعصفون فوق الوضيحي شرابه
ورع الصهاوي مشرعة ان رحت وان جيت = ولزوم عشاوي إن يدي وجابه
وهذي المدينة مارده للحوانيت = وانتم وحنا عموارس ترابه
وهذي المدينة ماردة للحوانيت = ومن التاجر والفلاح تاخذ حسابه
الخضرة ما تعرض ولا السمن والزيت = غير النعاج اللي وسيعه ذنابه
هذا انت صاحب شق وهذي انت بالبيت = قديه ذبحت بالسنة يا قرابه
وان كان انك ذروه نعاج مناعيت = احترصلي عجلودهن من خرابه
ويسكندر القرنين ويش سويت = والجيش عندي العدد والزهابه
يوم الحرايب بالمغاير تخبيت = وابلادكو قفره تعاون ذيابه
واللي تكرفت من ورى طور عفريت = وتزبن للحره وهاك الهضابة
يوم ابن الرديني خزهه ليه ما جيت = واخذتلك خفسة وقطعة خرابه
وما نعدمك يا صررنا يوم سديت = عنا ليفيض البحر من جنابه
وبريطانيا تعمل عهود وتلافيت = وانت تفرق دنوتك والحزابه  

قصيدة الشراري حمد الفحل من عشيرة الضباعين

تعالو أعلمكم يا ناشدين عن الدور = تعالو أوردكم قراحن زلالي
يوم الساعر دورت نية الغور = ومادبا يذكر بها الحب غالي
وارض العمار بزيزيا كنها البور = تقاطعت توابعه والمتالي
وعمان اللي يذكر بها الحب مشكور = ما يعشي الإثنين حق الريالي
يابو فهد بالقيض يروي هلا الحوز = بالقيض يروي معطشات المتالي
والله كنك على وارد حبة ام كور = وتقول يا دلو الدوالي تعالي
ونجرن يضبح بين الضحى وفجة النور = وينادي ويقول ياهلا الكيف غالي
له ربعه تلقى بها الزاد منثور = زود على الضيفان تاكل حيالي
وتلقى أبو مشرف بارك كنه ثور = عالول ياكل من مزاود جمالي

قصائد لشعراء مادبا سالم الفلاح الشاهين والشاعرجميل ابوالغنم والشاعر موسى بن هواش والشاعر المرحوم سلي

---

قصيدة سالم الفلاح الشاهين على قنبر

بت أنا مغبون من كثر السهر = ونار قلبي مشعله وإلها شرار
من سنة جتنه ولا فيها مطر = وعليالي حولها ضقنا النكار
ونحمد الله انفتح باب البحر = بقيراونه للعبيد وللحرار
وبشرون ذياب قنبر انتصر = وتجرته نافت على كل التجار
من ربايطنا تغنم بالبعر = بياعته سلين زبل بالنهار
وكل ما بدا يوم يفهقونه شهر = حتى بطل الزعانف والمرار
وطاع من عقب إلعصايه وانحدر = وقام يمشي مشي غوجن بالهجار
وظاقه هانه ما ظاقوها نور = ولا جبالي دايرن بالحمار
وقنبر عاملنا وحق الله صبر = والبلاد من المحل راحت دمار
ولو قعد شهرين ما عنده ضرر = يحشمونه ويطعموه لحم الفقار
وقل يا عميلي ديرلي طرف النظر = حتى انروح عالعيال وعالجوار
واعرضوله قمح كهبر الظهر = وقوم واجمع دفترك وأخلص إجمار

قصيدة جميل أبو الغنم

يا الله يا معطي العطايا الجزيله = يللي على قلوب المخاليق فتاش
يا مرزق هوام البحر بالجزيره = تفرج همومن على القلب تنجاش
وحاجة لنا مابه فخر من جميله = وامر حكومة ونافذ الكل معتاش
وتعادلو والكل عرف عديله = وانا نفوني نفية النمل لا طاش
وقمت أتفطن ويش بي خصيله = وانه حقار وطب الراس وشواش
وعدي طريح واقعن بالدبيله = ومالي نواجد ينعضني ولنحاش
وانخه صناديد العيال الصميله = هللي على الردات شفقين وعطاش
وغظو على صمالرمك من صليله = صلي الموزر يدعي العظم خشخاش
ورده محمد شوق موضي جبينه = ردة نداوي لهوه مخلبه ناش
عفيه اخو دلعب شوق مرخي الجديله= خلفة حسين اللي على الخيل هواش
ونبغه نمد القاف قصة طويله = وقصرنا عن بعض العراقيب وحراش

قصيدة موسى ابن هواش ( شاعر من بني حميدة من الهواوشة)

عن جليه عن قرابيه في ماعين

البارحة ما طبق الجفن بلعين = عييت تغفي بلذة النوم ساعة
أون ونة منزلع هامه البين = ما يرتجتي من الليل لوربع ساعة
أمس الضحى اشرفت انا راس ماعين= مشراف من يجلي على القلب ساعة
واواجة ديرة حينة والمحبين = ابلاد سكانين بيها الجماعة
إعيال عمي سربتن توفي الدين = اقفيت ما شاهدتهم بالوداعة
منزالهم بارض الشفا عن المطامين = وما هم من اللي ينزلون التلاعة
وبإرباعهم تلقى دلال وفناجين = ونجرن ينادي للنشامى إشاعة
وياما ربي عصحونهم كل مسكين = عوج المناسف مشبعين الجواعة
إخوات حربة حوف طرح الشواهين = لان إختلط عج الحباري بقاعه
وإخوات سلمى بالملاقى ثقيلين = شوفاتهم لطايله بارتفاعه
ياسين عبو سليمان ريف الضعافين = تشيعو به عاصرين ألشراعه
اللي إذبحونه حالبين المحايين = ولو هني من إستد للدين صاعة

قصيدة سليم أبولمظي

في ابنه ابراهيم يمدح فيها بني حميدة بشخص ( حمد الصايل الرواشدة)

يا الله يا عالم جميع الخفيات = ويا مظهرن سفن البحر من قراره
ويا الله تسمح إثمنا وكل مافات = بجاه الشفيع اللي زها بي انواره
البارحة ظلن عيوني سهيرات = والجفن عيا يقترب من سماره
ظليت أكازي في بوابن عسيرات = لما عمود الصبح بين حماره
يا راكب اللي بنية زمل الشرارات = من ساس هجنن محصناتن حراره
مرباعها الحوصة وحدرج وعمرات = يقطف زهر نوار عشب القراره
يا رسل وانقلي قوافن ثمينات = مرتباتن بالقلم واسطاره
وحرن فقع من مادبا والدليلات = تقلي الظليم اللي جفل من غتاره
يا راكبه وانصه فريج البريزات = تيجي بيوت مبنيه بالقراره
وما هم من اللي ينزلون التليعات = وبيوتهم للضيف مثل المنارة
لشلهبن خطو السنين الرديات = ريف الهجافه والضعوف الفقاره
وبارباعهم تلقى دلالن مصهات = يا منوة الكياف ريحة بهاره
تلفي على هايل زبون الونيات = ماكر حرار ومن مواكر حراره
وليه دلتن على النار مركات = وكم هاشلن يلفي على ضوناره
وصينيه سنة الغلا دوم مملاة = من كف قرمن ما يهاب الخساره
وعندي خبركو من سنينن قديمات = انتم هلا الردات ما به انكاره
ولان اختلط عجالرمك للمغيرات = خيالكم يللكد على الموت كاره
ويوم الترك ساقو عليكم بزخرات = وظفت على الكوره وطارت غباره
وهلا الجزامي والسيوف المحنات = يم الرياشي زرعت بالوعاره
ببيوتهم تلقى الضعافين زافات = وصرتو لهم صورن حصين العماره
وتشهد بكم هلا الكرك والشمالات = حموان عذاها وشاعت أخباره
وبافعالكو تشهد إكبار العزيزات = وزودن عبن فرهود وابن عزاره
وأعلمك بللي جرى من شهر فات = يوم العواصم مشلهبه بناره
وحس الرباعي مختلط للبرنات = وخطو النشامى لون فرخ الحباره
رده حمد يومن الرياق مرات = شوق الهنوف اللي زهة بالحماره
عفيه ولد صايل زبون الونيات = يستاهل البيضا على راس قاره
اللي أظهر ابراهيم من وسط عركات = يومن ردي الخال ضاعت بصاره
رواشده هلا العلوم البعيدات = فراس من دور الصحابه إنماره
وين إنت عنهم يوم كون السوقات = بخيت وابن سنيد داس المعاره
يوم التقت بني صخر والحويطات = بسهلتن قفره تقادح صراره
صاحو عليهم صيحتن وصيحات = ونطيحهم ناحن عليه العذاره
وبني حميده من فروعن طويلات = عوج المناسف مشبعين الوقاره
وعداد ما شدو المكه مطيات = استغفر الله ليلها مع نهاره

تمت والسلام

قصيدة عودة ابوتايه والرد عليها من قبل حمد الفحل - رواها المرحوم الشاعر سليم ابولمظي شريف

قصيدة عودة ابوتايه والرد عليها من قبل حمد الفحل - رواها المرحوم الشاعر سليم ابولمظي شريف

---

قصيدة أبو تايه في حمد الفحل

يا راكبن من عندنا فوق ثنتين = يم الفحل مطخياتن شمامي
قل يا الفحل يا منزلك بين طورين = وربعك عليهم أرقط الريش حامي

ورد عليه الفحل وقال :


يا راكبلي حفلت بالغوازين = من ساس هجنن محصناتن إهمامي
بنت الوضيحة نكبوها المشقين = وترثة صعيدي ما عليها تهامي
لون القطاه إنطالعة نادر العين = لا خف ريشه فر قلبه وزامي
كزه عبو تايه زبون المجنين = تيجي بيوتن مسيحين الأدامي
والكل منهم قاسين ما بها اللين = وللضيف حلوين النبا والمقامي
سلم على عوده شبيه أبو حدين = بالودتن مابي حديدة الحامي
وريف الهجافه والضعوف المساكين = وريف الهبوش اللي تدور الطعامي
والله كانك مسلم تقبل الدين = وحياة من زاروه سبع اليمامي
إن هذي منازلنا وإحنا صديقين = من قبل حربك با بو تايه بعامي
وابوك نزل غربنا بين شطبين = والقيض والمرباع ما به ملامي
استادب يا عوده ترى الناس وزنين = والحق عند الله وعدل المقامي
والى تغت نفسك تعوذ من الشين = اللي رما ربعي تراه الكرامي
وهذي مرامي عيالنا قبل مبطين = واللي منا ومنكم غدى للرحامي
وعلي غدى ماناويأقول ياسين = لا صارما يعزل كمين الصنامي
وبالعايله ذبحو عيال الشعالين = والفايز اللي جمعهم ما يرامي
عقب التغى سرتو رجال لغيين = وراعي اللغا يصبح مع الخلق دامي
نستدد بالمربوع ما هو أبو رطلين = معك المهل ما هي تلملم ولامي
وجبت الحجايا والهقيش النقيين = وصرية خضيرصاكين اللثامي
لميت سبع جموع ما هم قليلين = وردو على ربعي وربعي مضامي
وربعي إسطام الحرب عند البعارين = لا نختلط عج ألرمك للكتامي
وخمس ألطعش من غاليات المثامين = من جال ربعي لون قشع الخيامي
وا دغمان هو والعبد عينتهم وين = غزيت رجمو بمداح النعامي
او ذبح الثلاثة والثمان المسمين = وا بو فتنة اللي وراكم يحامي
وقول الفحل ماهو كذبن ولا شين = منزيل مشاتيهن عليكم حرامي
اليوم لو هبت عليكم شميطين = تريدون مشتانن عن السقع حامي
واسنا د حومل والدحل والجداعين = وبابوغضا تلقون عالي واطامي
يا شيب عينك كان هبت من العين = تكب ثلجين من سحابن اردامي
واسغفر اللع عقب شوطن وشوطين = يلعب على روس الرجاجيل وامي
تزبن حسما ليجوك الفراعين = ياكلن من شوك الوعر والعدامي
وادعو منازليكم وعر غربي العين = للسهل المضهور مع درب شامي
لمى يفيضون الطوقة العزيزين = وابضفهم سح يا الذريحي و نامي
والحمد لله ما ربوعي قليلين = وبلكثر يشدون الجراد التهامي
وكم راس شيخين قوطرو بيه ضارين = وماهم بحالة تحت جرفن هدامي
ما شفت الاحيوات هم والترابين = عالجفر روس شيوخ لون القرامي
وجازي هويا ابوه عندك وفادين = انسل من ايدين الشيوخ العضامي
ولو ربعك اكثارن واربعي اشويين = يهجون عن ربعي هجيج النعامي
لا بد لك من عركتن عقب يومين = يبعدن بيها ناقلات العلامي
ولا بد ما تعرض لطلابت الدين = ويهافيبها ختم الرجح بلاسامي
يجنك شعلن كنهن الشياهين = يعجلن رد ايدك لكف الحزامي
ولو معك تسع طلاق بروح يا شين = عداك ضرب السيف عنهن شمامي
والله لو لحقوك عيال الضباعين = ما يفرحن بك ذابلات الوشامي
والله لو لحقوك عيال الدعاجين = وعيال العزام الي لربعك خزامي
ما تنثني بضهورهن خاطرك زين = وترمى لضبع الضاحيكية طعامي
ولو جاك اخو كسبة صعوط ا لمجانين = عقب الطمع بدلت بلا نهزامي
وصبيح طاح وراح بين القبيلين = وفارق فراق ابوك عقب الليامي
وتنذر لجدك يوم تسلم جزورين = وتيس لشوف اخونكم والعمامي



تمت والسلام

الشاعر سليم ابولمظي شريف في سطور

مكان الولادة : الجيزة – الاردن.

- تاريخ الولادة: 1904

- اخر جواز سفر في زمن امارة شرق الاردن كان في عام ( 1943)

- الثقافة : شاعر وراوي للشعر النبطي ، ملم بتاريخ الحضارات القديمة والحديثة ولديه المام بالكتب السماوية الثلاث القران والتوراة والانجيل وقصص الانبياء وحافظ للانساب اهتم بالشعر النبطي ونظم العديد من القصائد في مناسبات عامة وخاصة . روى الشعر النبطي ولاهم شعراء النبط في الجزيرة العربية، امثال محمد بن لعبون والصديري والخمعلي وبن رشيد و عبد الله بن سعود وابن سبيل وغيرهم من فحول الشعر النبطي. كما انه روى عن شعراء منطقة حوران امثال شبلي الاطرش (الدروز) وابراهيم الدوقراني ونايف الهامي ،ومن منطقة البلقاء : الشاعر مسلم الشوبكي (ابو شارب) وجميل ابو الغنم وابو جفير من ماعين وسالم القنصل من مادبا ومحمد المناور ابو الغنم وشاعر بني حميدة موسى بن هواش . عرف الشاعر بدفاعه عن ابناء جلدته وابناء مدينته مادبا ، فقد نظم عدة قصائد للدفاع عن ابناء مادبا . اخذ عنه العديد من الباحثين والكتاب أمثال الكاتب والباحث الاردني احمد عويد العبادي والباحث المهندس حمود سلمان الخلايلة من بني حسن ( النائب السابق في البرلمان الاردني). انفرد في رواية قصيدة حمد الفحل الشراري والتي جرت احداثها في ديرة بني حميدة زمن الشيخ حاتم ابو بريز بين الحويطات والشرارات . انجب الشاعر المرحوم من الابناء خمسة ، جميل الذي ورث عن والده موهبة الشعر. ونايف وابراهيم وحسن وعاهد . توفي الشاعر في مادبا سنة1993 ودفن في مقبرة نتل شرق مدينة مادبا عن عمر ناهز 89عام. يحتفظ ابناء الشاعر بديوان شعر غير مطبوع، ومسجل على كاسيتات يباع في مادبا.

اعداد وسام حسن سليم ابو لمظي شريف المصاروة