قصائد لشعراء مادبا سالم الفلاح الشاهين والشاعرجميل ابوالغنم والشاعر موسى بن هواش والشاعر المرحوم سلي

---

قصيدة سالم الفلاح الشاهين على قنبر

بت أنا مغبون من كثر السهر = ونار قلبي مشعله وإلها شرار
من سنة جتنه ولا فيها مطر = وعليالي حولها ضقنا النكار
ونحمد الله انفتح باب البحر = بقيراونه للعبيد وللحرار
وبشرون ذياب قنبر انتصر = وتجرته نافت على كل التجار
من ربايطنا تغنم بالبعر = بياعته سلين زبل بالنهار
وكل ما بدا يوم يفهقونه شهر = حتى بطل الزعانف والمرار
وطاع من عقب إلعصايه وانحدر = وقام يمشي مشي غوجن بالهجار
وظاقه هانه ما ظاقوها نور = ولا جبالي دايرن بالحمار
وقنبر عاملنا وحق الله صبر = والبلاد من المحل راحت دمار
ولو قعد شهرين ما عنده ضرر = يحشمونه ويطعموه لحم الفقار
وقل يا عميلي ديرلي طرف النظر = حتى انروح عالعيال وعالجوار
واعرضوله قمح كهبر الظهر = وقوم واجمع دفترك وأخلص إجمار

قصيدة جميل أبو الغنم

يا الله يا معطي العطايا الجزيله = يللي على قلوب المخاليق فتاش
يا مرزق هوام البحر بالجزيره = تفرج همومن على القلب تنجاش
وحاجة لنا مابه فخر من جميله = وامر حكومة ونافذ الكل معتاش
وتعادلو والكل عرف عديله = وانا نفوني نفية النمل لا طاش
وقمت أتفطن ويش بي خصيله = وانه حقار وطب الراس وشواش
وعدي طريح واقعن بالدبيله = ومالي نواجد ينعضني ولنحاش
وانخه صناديد العيال الصميله = هللي على الردات شفقين وعطاش
وغظو على صمالرمك من صليله = صلي الموزر يدعي العظم خشخاش
ورده محمد شوق موضي جبينه = ردة نداوي لهوه مخلبه ناش
عفيه اخو دلعب شوق مرخي الجديله= خلفة حسين اللي على الخيل هواش
ونبغه نمد القاف قصة طويله = وقصرنا عن بعض العراقيب وحراش

قصيدة موسى ابن هواش ( شاعر من بني حميدة من الهواوشة)

عن جليه عن قرابيه في ماعين

البارحة ما طبق الجفن بلعين = عييت تغفي بلذة النوم ساعة
أون ونة منزلع هامه البين = ما يرتجتي من الليل لوربع ساعة
أمس الضحى اشرفت انا راس ماعين= مشراف من يجلي على القلب ساعة
واواجة ديرة حينة والمحبين = ابلاد سكانين بيها الجماعة
إعيال عمي سربتن توفي الدين = اقفيت ما شاهدتهم بالوداعة
منزالهم بارض الشفا عن المطامين = وما هم من اللي ينزلون التلاعة
وبإرباعهم تلقى دلال وفناجين = ونجرن ينادي للنشامى إشاعة
وياما ربي عصحونهم كل مسكين = عوج المناسف مشبعين الجواعة
إخوات حربة حوف طرح الشواهين = لان إختلط عج الحباري بقاعه
وإخوات سلمى بالملاقى ثقيلين = شوفاتهم لطايله بارتفاعه
ياسين عبو سليمان ريف الضعافين = تشيعو به عاصرين ألشراعه
اللي إذبحونه حالبين المحايين = ولو هني من إستد للدين صاعة

قصيدة سليم أبولمظي

في ابنه ابراهيم يمدح فيها بني حميدة بشخص ( حمد الصايل الرواشدة)

يا الله يا عالم جميع الخفيات = ويا مظهرن سفن البحر من قراره
ويا الله تسمح إثمنا وكل مافات = بجاه الشفيع اللي زها بي انواره
البارحة ظلن عيوني سهيرات = والجفن عيا يقترب من سماره
ظليت أكازي في بوابن عسيرات = لما عمود الصبح بين حماره
يا راكب اللي بنية زمل الشرارات = من ساس هجنن محصناتن حراره
مرباعها الحوصة وحدرج وعمرات = يقطف زهر نوار عشب القراره
يا رسل وانقلي قوافن ثمينات = مرتباتن بالقلم واسطاره
وحرن فقع من مادبا والدليلات = تقلي الظليم اللي جفل من غتاره
يا راكبه وانصه فريج البريزات = تيجي بيوت مبنيه بالقراره
وما هم من اللي ينزلون التليعات = وبيوتهم للضيف مثل المنارة
لشلهبن خطو السنين الرديات = ريف الهجافه والضعوف الفقاره
وبارباعهم تلقى دلالن مصهات = يا منوة الكياف ريحة بهاره
تلفي على هايل زبون الونيات = ماكر حرار ومن مواكر حراره
وليه دلتن على النار مركات = وكم هاشلن يلفي على ضوناره
وصينيه سنة الغلا دوم مملاة = من كف قرمن ما يهاب الخساره
وعندي خبركو من سنينن قديمات = انتم هلا الردات ما به انكاره
ولان اختلط عجالرمك للمغيرات = خيالكم يللكد على الموت كاره
ويوم الترك ساقو عليكم بزخرات = وظفت على الكوره وطارت غباره
وهلا الجزامي والسيوف المحنات = يم الرياشي زرعت بالوعاره
ببيوتهم تلقى الضعافين زافات = وصرتو لهم صورن حصين العماره
وتشهد بكم هلا الكرك والشمالات = حموان عذاها وشاعت أخباره
وبافعالكو تشهد إكبار العزيزات = وزودن عبن فرهود وابن عزاره
وأعلمك بللي جرى من شهر فات = يوم العواصم مشلهبه بناره
وحس الرباعي مختلط للبرنات = وخطو النشامى لون فرخ الحباره
رده حمد يومن الرياق مرات = شوق الهنوف اللي زهة بالحماره
عفيه ولد صايل زبون الونيات = يستاهل البيضا على راس قاره
اللي أظهر ابراهيم من وسط عركات = يومن ردي الخال ضاعت بصاره
رواشده هلا العلوم البعيدات = فراس من دور الصحابه إنماره
وين إنت عنهم يوم كون السوقات = بخيت وابن سنيد داس المعاره
يوم التقت بني صخر والحويطات = بسهلتن قفره تقادح صراره
صاحو عليهم صيحتن وصيحات = ونطيحهم ناحن عليه العذاره
وبني حميده من فروعن طويلات = عوج المناسف مشبعين الوقاره
وعداد ما شدو المكه مطيات = استغفر الله ليلها مع نهاره

تمت والسلام